“Tikintinin iqtisadiyyatı və menecment” jurnalı İNDEX Copernicus beynəlxalq indeksləşdirmə bazasına daxil edilib

“Tikintinin iqtisadiyyatı və menecment” jurnalının  (ISSN: 2519-2507) fəaliyyəti Copernicus beynəlxalq indeksləşdirmə baza tərəfindən müsbət qiymətləndirilib və 2023-cü il üçün ICI Journals Master List verilənlər bazasında indeksləşdirilib.
Jurnalın 2023-cü ildə göstəriciləri haqqında məlumatların yoxlanılması əsasında onun parametrik gücünün (ICV göstəricisi) dəyəri hesablanmışdır və ICV 2023 = 50,57 təşkil etmişdir.

        ICI Journals Master List 20 il ərzində fəaliyyət göstərən və dövri nəşrləri qiymətləndirən elmi jurnalların beynəlxalq indeksləşdirmə məlumat bazasıdır. Müsbət indeksləşdirmə üçün şərt 100-dən çox meyar əsasında çoxölçülü parametrik qiymətləndirmənin müsbət nəticəsidir.
      İndeksləşmənin əsas şərti redaksiyaların şəffaf fəaliyyət prinsipinə riayət etməsi və etibarlı redaksiya xidmətlərinin göstərilməsinin təsdiqləməsidir. Formal meyarlara və indeksləşdirmə üçün ilkin şərtlərə cavab verən jurnallar elmi jurnalların inkişaf səviyyəsinin göstəricisi olan bir il müddətində qüvvədə olan ICV (Index Copernicus Value) indeksi alır.

          ICI Journals Master List verilənlər bazası - ICI Publishing Stars - jurnalların inkişaf metodikasından istifadə edir. Onun köməyi ilə jurnalın yayılma sürətinin və onun sitat nisbətinin artmasına təsir edən funksional sahələr üzrə elmi jurnalların redaksiya heyətinin nailiyyətlərini ölçmək mümkündür. Məsələn, nəşrin sabitliyi, etik və redaksiya standartları, rəqəmsallaşma dərəcəsi və alimlərin beynəlmiləlləşməsi.